भारतको नयाँ दिल्लीमा जारी जी–२० शिखर सम्मेलनमा सहभागी सबै राष्ट्रले घोषणापत्रमा सहमति जनाएका छन् । आयोजक राष्ट्र भारतका प्रधानमन्त्री नरेन्द्र मोदीले सबैलाई धन्यवाद दिँदै सो घोषणापत्र अवलम्वन गर्न प्रस्ताव गरेका छन् ।

आफूहरूको कठिन मिहिनेत र सबैको सहयोगमा घोषणापत्र तयार पारिएको भन्दै प्रधानमन्त्री मोदीले भने, ‘हाम्रो टिमको कडा मिहिनेत र तपाईं सबैको सहयोगबाट नयाँ दिल्ली जी २० नेताहरूको घोषणापत्रमा आमसहमति बनेको छ ।’

रुस–युक्रेन युद्धबारे घोषणापत्रमा प्रयोग गरिएको शब्दलाई लिएर युक्रेनले भने असन्तुष्टि जनाएको छ । दिल्ली घोषणापत्रमा युक्रेन युद्धबारे दुःख व्यक्त मात्रै गरिएको छ । रुसको कदमलाई लिएर कुनै आपत्ति नजनाइएको भन्दै युक्रेनले आपत्ति जनाएको हो ।