दक्षिणी टर्कीको कहरमनमारस प्रान्तमा अन्तिम संस्कारमा सहभागी भएका मानिसलाई ट्रकले ठक्कर दिँदा पाँच जनाको मृत्यु भएको छ । दुर्घटनामा २५ जना घाइते भएका छन् ।
कहरामनमारस-अण्डिरिन राजमार्गमा अन्तिम संस्कारमा सहभागी उनीहरूलाई ट्रकले ठक्कर दिएको थियो । घाइतेमध्ये केहीको अवस्था गम्भीर रहेको बताइएको छ ।
टर्कीमा सडक सुरक्षा कमजोर छ । आधिकारिक तथ्यांकअनुसार गत वर्ष १ लाख ९७ हजारभन्दा बढी सवारी दुर्घटनामा ५ हजार २ सय २९ जनाले ज्यान गुमाएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।