एजेन्सी– फेसबुकका चीफ प्रोडक्ट ऑफिसर क्रिस कक्सले राजीनामा दिएका छन् । कम्पनीका सिइओ मार्क जकरबर्गले बिहीबार यसकाे घाेषणा गरेका हुन् । कक्स फेसबुकका अधिकारीहरुमध्ये जुकरबर्गका एक विश्वासिला अधिकारी थिए । 

कक्स फेसबुककाे न्युज फिडकाे काम गर्थे । उनले फेसबुक एपकाे जिम्मेवारी पनि सम्हालेका थिए । यतिबेला उनले सबै एप्सकाे स्ट्रेटजीकाे काम हेर्थे । 

उनले २००५ देखि फेसबुकमा काम गर्न थालेका हुन् । उनले किन राजीनामा दिए भनेर अहिलेसम्म स्पष्ट भएकाे छैन् । 

कम्पनीकाे नीतिका विषयमा जुकरबर्गसँग कक्सकाे मतभेत भएकाे हुन सक्ने अनुमान गरिएकाे छ । 

व्हाट्सएपका प्रमुखले पनि राजीनामा दिए 

डेनियल्स पछिल्लाे वर्ष मे महिनामा ह्वाट्सएपका प्रमुख बनेका थिए । याेभन्दा अगाडि उनी फेसबुककाे बिजनेस डेभलपमेन्ट टिमकाे नेतृत्व गरिरहेका थिए । उनकाे राजीनामापछि अब विल केटकार्ट ह्वाट्सएपका प्रमुख बन्नेछन् । 

११ महिनामा फेसबुकका ६ ठूला राजीनामा 

पछिल्लाे वर्ष अप्रिलमा ह्वाट्सएपका सीईओ काे–फाउन्डर जान कमले राजीनामा दिए । यसपछि अगस्टमा फेसबुकका चीफ सेक्युरिटी अफिसर एलेक्स स्टेमसले कम्पनी छाेडे । सेप्टेम्बरमा इन्स्टाग्रामका काे–फाउन्डर केविन सिस्ट्रम र माइक क्रिगरले राजीनामा दिए । अब क्रिस कक्स र क्रिस डेनियल्स पनि फेसबुकबाट अलग भए ।