Tue, 07 Jul, 2020


न्युजिल्यान्डका कम्पनीको घोषणा– अब फेसबुक र गुगलमा विज्ञापन दिँदैनौँ
फरकधार / चैत ४, २०७५

एजेन्सी– न्युजिल्यान्डको क्राइस्टचर्चका दुई मस्जिदमा भएको आक्रमणको भिडियो कयौँ घन्टासम्म फेसबुकमा थियो । फेसबुकले भिडियो हटाउन निकै समय लगायो । यसले न्युजिल्यान्डका केही कम्पनीहरुलाई फेसबुकको विरोध गर्न बाध्य बनाएको छ । अब उनीहरुले फेसबुक र गुगलमा विज्ञापन नदिने घोषणा गरेका छन् । 



त्यहाँको एसएसबी बैंक, लोटो एनजेड, बर्गर किङ, स्पार्कजस्ता ठूला कम्पनीहरुले फेसबुकमा विज्ञापन नदिने कुरा घोषणा गरेका हुन् । उनीहरुले कहिलेसम्म फेसबुकमा विज्ञापन नदिने हुन् भन्ने चाहिँ अहिलेसम्म एकिन भएको छैन । 

१५ मार्चमा क्राइस्टचर्चमा भएको गोलीबारीमा ४९ जनाको मृत्यु भएको थियो । न्युजिल्यान्डमा यस्तो घटना भएको २९ वर्षपछि हो । आक्रमणकारीले गोप्रो क्यामेरा प्रयोग गरेर फेसबुकमा त्यसको लाइभस्ट्रिमिङ गरेका थिए । त्यो भिडियो १७ मिनेट लामो थियो जुन घटना भएपछि पनि निकै लामो समय फेसबुकमा रह्यो ।


फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्