काठमाडौं– अमेरिकी विदेशमन्त्री रिचार्ड पोम्पियोले प्रधानमन्त्री केपी शर्मा ओलीलाई पत्र पठाएका छन् । यो पत्र उनले अमेरिकाले नेपाललाई गरेको सहयोग वापत नेपालले उसको फेभरमा केही काम गरिदिन अनुरोध गर्दै आएको हो । 

मिलेनियम च्यालेन्ज कर्पोरेसन सम्झौताअन्तर्गत ५६ अर्ब रुपैयाँ सहयोगका लागि अमेरिकाले यस्ता सर्त राखेको हो । उसले राखेका दुई सर्त उत्तर कोरियाविरुद्धको नाकाबन्दीलाई समर्थन गर्नु र तिब्बती शरणार्थीलाई चीन नपठाउनु भन्ने हो । 

पत्रमा पोम्पियोले केही समयअघि परराष्ट्रमन्त्री प्रदीप ज्ञवालीसँग भेटघाट गरेको प्रसङ्ग पनि उल्लेख गरेका छन् । कान्तिपुर दैनिकले तयार पारेको यो समाचारमा परराष्ट्रमन्त्री प्रदीप ज्ञवालीले भनेका छन्, ‘पत्र प्राप्त भएको छ तर अध्ययन गरिसकेको छैन । पत्रमा उठाक्ष्एका विषय हामीले लिँदै आएका विदेश नीतिअनुकुल नै छन् ।’