Thu, 17 Oct, 2019


सरकारका प्रवक्ता भन्छन् – हतियार नबिसाएसम्म विप्लवसँग संवाद हुँदैन
फरकधार / चैत ७, २०७५

काठमाडौं– सरकारका प्रवक्ता सञ्चार तथा सूचना प्रविधि मन्त्री गोकुल बाँस्कोटाले विप्लव समूहले हतियार बिसाएपछि मात्र ऊसँग वार्ता सम्भव हुने बताएका छन् ।



‘संवादका निम्ति हामी तयार छौँ । तर, संवाद गलत गतिविधिको तयारीका हुन सक्दैन,’ मन्त्रिपरिषद्का निर्णय सार्वजनिक गर्ने बिहीबारको नियमित साप्ताहिक पत्रकार सम्मेलनमा मन्त्री बाँस्कोटाले भने, ‘वार्तामा बस्नुअघि हतियार बिसाउनुपर्छ, हिंसा छोड्नुपर्छ ।’

कुनै असन्तुष्टि छ भने शान्तिपूर्ण राजनीति र वार्ताबाट सम्बोधन गर्न सकिने भन्दै मन्त्री बाँस्कोटाले खुला राजनीतिमा आएर प्रतिस्पर्धा गर्न विप्लव लगायतलाई आह्वान गरे ।

२८ फागुनमा सरकारले विप्लव समूहमाथि प्रतिबन्ध लगाउने निर्णय गरेको थियो । जबर्जस्ती चन्दा असुली तथा हिंसात्मक गतिविधि गरेको भन्दै सरकारले यो समूहमाथि प्रतिबन्ध लगाएको हो । 

असन्तुष्टहरुप्रति लचक हुनुपर्ने र वार्ताबाटै समस्याको हल खोज्नुपर्ने प्रतिपक्षी दलहरुको आग्रहका बाबजुद पछिल्लो समय सरकार यो समूहमाथि कठोर देखिएको छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्