विश्वकप फुटबलको दक्षिण अमेरिकी छनोटअन्तर्गत ब्राजिलविरुद्ध अर्जेन्टिना विजयी भएको छ । आज बिहान ब्राजिलको घरेलु मैदान माराकाना रंगशालामा भएको खेलमा अर्जेन्टिना १–० ले विजयी भएको हो ।  

तनावपूर्ण खेलमा अर्जेन्टिनाका लागि निकोलस ओटामेन्डीले ६३ औँ मिनेटमा निर्णायक गोल गरे । उनले कर्नरबाट प्राप्त बलमा हेडमार्फत गोल गर्न सफल भए । 

खेल सकिन ९ मिनेट अघि जोयलिङ्टन रातो कार्ड खाँदै मैदान बाहिरिएपछि ब्राजिल १० खेलाडीमा सीमित बनेको थियो । विश्वकप छनोटमा ब्राजिल पहिलोपटक घरेलु मैदानमा हारेको हो । 

अर्जेन्टिना १५ अंकसहित छनोट तालिकाको शीर्ष स्थानमा राखेको छ । ब्राजिल ८ अंकसहित छैटौँ स्थानमा छ ।