कमेडियन अपूर्व क्षितिज सिंह नेवारी समुदायलाई होच्याएर कमेडी गरेको विषयमा दोषी ठहर भएका छन् ।

आइतबार अपूर्वलाई दोषी ठहर गर्दै काठमाडौं जिल्ला अदालतले १० हजार रुपैयाँ जरिवानाको सजाय सुनाएको छ । न्यायाधीश कपिलमणि गौतमको इजलासले फैसला गरेको हो ।

२०७९ कात्तिकमा अपूर्वविरुद्ध अदालतमा अभियोगपत्र दायर भएको थियो । त्यसअघि नेवारी समुदायका अगुवाको जाहेरीपछि अपूर्व पक्राउ परेका थिए । प्रहरीले हिरासतमा राखेर अनुसन्धान गरेको थियो ।