सरकारले एनसेलको ८० प्रतिशत सेयर खरिद-बिक्री प्रकरणको छानबिन गर्न उच्चस्तरीय समिति बनाएको छ । बिहीबार बसेको मन्त्रिपरिषद् बैठकले पूर्वमहालेखा परीक्षक टंकमणि शर्मा संयोजक तथा सदस्यहरूमा  फणिन्द्र गौतम, बाबुराम भण्डारी, रितेशकुमार शाक्य र सुजनकुमार काफ्ले रहने गरी पाँच सदस्य समिति गठन गरेको हो ।

समितिलाई उक्त प्रकरणको अध्ययन गर्न ३० दिनको समय दिइएको छ । प्रक्रिया पुरा नगरी एनसेलको ८० प्रतिशत सेयर खरिद-बिक्री गरेर चलखेल भएको भन्दै सरकारले असन्तुष्टि जनाएको छ ।

एनसेलको सेयरको खरिदबिक्रीका सम्बन्धमा उठेका प्रश्नको विषयमा अध्ययन गरी प्रतिवेदन पेस गर्न उच्चस्तरीय समिति बनाइएको सञ्चार तथा सूचना प्रविधि मन्त्री एवं सरकारकी प्रवक्ता रेखा शर्माले बताइन् ।