महोत्तरी– महोत्तरीका एक वृद्धले आफैँलाई आगो लगाएर आत्महत्या गरेका छन् । महोत्तरी रामगोपालपुर नगरपालिका ६० वर्षीय सूर्यदेव मुखियाले आफैँले आगो लगाएर आत्महत्या गरेको जिल्ला प्रहरी कार्यालय महोत्तरीले जनाएको छ ।
प्रहरीका अनुसार मुखियाले शनिबार दिउँसो घरमा कोही नभएको मौका पारेर आफ्नो शरीरमा आगो लगाएका थिए । उपचारका क्रममा उनको राति मृत्यु भएको हो ।
शनिबार दिउँसो घरमा कोही नभएको बेला शरीरभरि कपडा बेरी मट्टितेल छर्केर आफैँले आगो लगाएको प्रहरीले जनाएको छ ।
मुखियाको अवस्था गम्भीर भएपछि परिवारजनले उपचारका लागि जनकपुर अञ्चल अस्पताल लगेको तर उपचारको क्रममा उनको मृत्यु भएको थियो । घटना सम्बन्धमा प्रहरीले थप अनुसन्धान गरिरहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।