भारतको मध्यप्रदेशको मुख्यमन्त्रीको टुंगो लागेको छ । हालै भएको विधानसभा चुनावमा एकल बहुमत ल्याएको भाजपाले सोमबार मुख्यमन्त्रीको टुंगो लगाएको हो । भाजपाले एक हप्ता लामो छलफलपछि मोहन यादवलाई मुख्यमन्त्री बनाउने निर्णय गरेको हो । 

भारतीय सञ्चारमाध्यमका अनुसार मध्य प्रदेश भाजपा संसदीय दलको बैठकले यादवको नाममा निर्णय गरेको हो । यादव उज्जैन दक्षिणबाट सांसद निर्वाचित भएका हुन् । उनी तेस्रोपटक विधानसभा सदस्य बनेपछि मुख्यमन्त्री बन्ने भएका हुन् । 

सो प्रदेशको मुख्यमन्त्रीका लागि हालका मुख्यमन्त्री शिवराज चौहान, कांग्रेस आई त्यागेर भाजपा प्रवेश गरेका ज्योतिराद्त्य सिन्धियालगायत चर्चित नेता आकांक्षी थिए । 

अघिल्लोपटकको विधानसभा चुनावपछि कांग्रेसले मुख्यमन्त्री नबनाएपछि सिन्धिया कांग्रेस आई त्यागेर भाजपामा लागेका थिए ।