भेनेजुएला– दक्षिणी अमेरिकी देश भेनेजुएला फेरि बिजुली संकटको चपेटामा परेको छ । देशको ९१ प्रतिशत क्षेत्रमा बिजुली नहुँदा स्कुल, कार्यालय, कारखाना सबै बन्द भएका छन् ।
बिजुली आपूति नहुँदा पानीको पम्प पनि ठप्प भएका छन् । मानिसहरु पानी खोज्दै भौतारिन थालेका छन् ।
शहरको पहाडी इलाकाबाट पानी भरेर ल्याउनु परिरहेको छ, पानीका बोत्तल खोज्न पसल–पसल भौतारिरहनु परेको छ ।
राष्ट्रपति निकोलस मदुरोले स्कुल, कार्यालय र कारखाना केही समयका लागि बन्द रहने बताएका छन । कर्मचारीहरु बिजुली आपूर्तिका लागि जुटिरहेका छन । कामकाज ठप्प हुँदा राजधानी काराकासका सडक सुनसान देखिएका छन ।
भेनेजुएलामा अन्तिमपटक ब्ल्याक आउट मार्च ७ बाट सुरु भएको थियो । पानीको पम्प ठप्प हुँदा मानिसहरु धेरै चिन्तित भएका छन् । तर एक हप्तापछि सरकारले बिजुली संकट टार्ने र पानीको सहज आपूर्ति गर्ने आश्वासन दिएको छ ।
तेलभन्दा महंगो पानी
भेनेजुएला लामो समयदेखि आर्थिक मन्दीसँग जुधिरहेको छ। यो विश्वको सबैभन्दा ठूलो तेल निर्यातकर्ता पनि हो । यहाँ पानीभन्दा तेल सस्तो छ । ग्लोबल पेट्रोल प्राइज डटकमका अनुसार यतिबेला भेनेजुएलामा तेलभन्दा पानीको मूल्य कैयौं गुणा वृद्धि भएको छ ।
आर्थिक संकटले ग्रस्त भइरहेको भेनेजुएलामा राजनीतिक संकट पनि उस्तै छ । विपक्षी पार्टीले अर्थतन्त्र ह्रास ल्याएको र शक्ति दुरुपयोग गरेको भन्दै मदुरोलाई कुर्सी खाली गर्न माग गर्दै आएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।