उत्तर कोरिया–उत्तर कोरियाका तानाशाह किम जङ उनले आफ्ना निजी फोटोग्राफरलाई जागिरबाट निकालेका छन । ३ सेकेन्ड किमको बाटो ब्लक गरेपछि उनलाई जागिरबाट निकालिएको हो । 

किम जङ उन नागरिकहरुसँग कुरा गरिरहेका थिए, त्यही समयमा फोटोग्राफर तस्बिर लिन उनको अगाडि गए । यसमा करिब ३ सेकेन्ड फोटोग्राफर किमको अगाडि थिए । 

स्थानीय सञ्चारमाध्यमका अनुसार फोटोग्राफरको नाम ‘री’ थियो । रीले फोटो खिचेको एंगलले किमको टाउको पनि कभर गरेको थियो । फोटोग्राफीको लागि रीलाई दुई मिटरसम्मको प्रतिबन्ध लगाइएको थियो । उनले उक्त नियमको उल्लंघन गरेको आरोपमा जागिरबाट निकालिएको हो ।

रीले पछिल्लो महिना भियतनाममा डोनाल्ड ट्रम्प र किमको शिखर वार्ताको तस्बिर पनि खिचेका थिए ।