आइसिसी क्रिकेट विश्वकप लिग–२ अन्तर्गत त्रिकोणात्मक एकदिवसीय सिरिजमा नेपालले दिएको १ सय ३३ रनको सामान्य लक्ष्य पछ्याउनेक्रममा नामिबियाले पाँचौं विकेट गुमाएको छ । नामिबियाको पाँचौं विकेट पनि सोमपाल कामीले लिए । 

उनले २४.१ ओभरमा जेन ग्रीनलाई २ रनमा आउट गरे । यसअघि नामिबियाले चौथो र तेस्रो विकेट एकै ओभरमा गुमायो । नामिबियाले तेस्रो विकेटको रूपमा कप्तान जेर्हार्ड इरास्मसलाई गुमायो । उनलाई सोमपाल कामीले २०.३ ओभरमा ८ रनमा क्याच आउट गराए । यही ओभरको अन्तिम बलमा उनले जान फ्रिलिन्कलाई ३४ रनमा आउट गरे ।      

त्यसअघि नामिबियाले दोस्रो विकेटको रूपमा माइकल भ्यान लिङ्गेनलाई गुमायो । उनलाई १३।१ ओभरमा स्पिनर ललितनारायण राजवंशीले २३ रनमा क्याच आउट गराए । उनले नै ५.३ ओभरमा निकोलस डेभिनलाई १५ रनमा क्याच आउट गराएका थिए । 

त्यसअघि कीर्तिपुरस्थित त्रिवि मैदानमा टस हारेर ब्याटिङको निम्तो पाएको नेपालले ४१.१ ओभरमा १ सय ३२ रन बनायो । नेपालका लागि भीम सार्कीले ८६ बलमा दुई चौका र एक छक्कासहित सर्वाधिक ४४ रन बनाए ।   

यस्तै, कुशल भुर्तेल शून्य, अनिल साह ८, आसिफ शेख चार, कप्तान रोहित पौडेल एक, भीम सार्की ४४, कुशल मल्ल १५, सोमपाल कामी दुई, गुलशन झा २१, पवन सर्राफ १२ र करण केसी १६ रनमा आउट भए ।    

नामिबियाका लागि जेर्हार्ड इरास्मसले पाँच, ज्याक ब्रासवेल, रुबेन ट्रम्पलम्यानले दुई/दुई र जन निकोल लोफ्टी–इटनले एक विकेट लिए ।