त्रिकोणात्मक टी–२० सिरिजको चौथो खेलमा नामिबियाविरुद्ध नेपाली युवा अलराउन्ड कुशल मल्लले अर्धशतक पूरा गरेका छन् । उनले ३० बलमा चार छक्का र एक चौकासहित अर्धशतक पूरा गरेका हुन् ।

टी–२० आईमा कुशलको यो चौथो अर्धशतक हो । नेपालले चौथो विकेटको रूपमा गुलशनकुमार झालाई गुमाएको हो । उनी ७.२ ओभरमा २६ रनमा आउट भए । त्यसक्रममा गुलशनले तीन छक्का हिर्काए ।

नेपालले तेस्रो विकेटको रूपमा अनिल साहलाई गुमायो । उनले आज १७ बलमा तीन छक्कासहित २३ रन बनाए । नेपालले दोस्रो विकेटको रूपमा कप्तान रोहितकुमार पौडेललाई गुमायो । उनी आज ३.३ ओभरमा १० रनमा आउट भए । 

नेपालले पहिलो विकेटको रूपमा विकेटकिपर आसिफ शेखलाई गुमायो । उनी दोस्रो ओभरको पहिलो बलमा एक रनमै बोल्ड भए । कीर्तिपुरस्थित त्रिवि मैदानमा भइरहेको खेलमा नेपालले आज टस हारेर ब्याटिङको मौका पाएको हो । 

नेपालले आज प्लेइङ–११ मा तीन खेलाडी परिवर्तन गरेको छ । नेपालले आज कुशल भुर्तेल, सन्दीप जोरा र ललितनारायण राजवंशीलाई विश्राम दिएर अनिल साह, आरिफ शेख र अविनाश बोहरालाई मौका दिएको हो ।