एजेन्सी— बलिउड अभिनेता रणबीर कपुर र आलिया भट्ट आजभोलि आफ्नो फिल्मभन्दा पनि कयौँ गुणा बढी आफ्नो व्यक्तिगत सम्बन्धका कारण चर्चामा छन् । केहीअघि भएको फिल्मफेयर अवार्डमा यी दुईले एक अर्कालाई गरेको व्यवहारले चर्चा निकै कमायो । त्यहाँ खिचिएको उनीहरुको भिडियो पनि भाइरल भयो । यसले उनीहरुको विवाह हुने कुरा पनि बाहिर ल्यायो । 

यहीबीच आलियाकी दिदी पुजा भट्टले हिन्दुस्तान टाइम्ससँग कुरा गर्दै रणबीर आलियाको सम्बन्धबारे खुलासा गरेकी छिन् । पुजाले आलियाले आफ्नो सम्बन्धबारे आफैं निर्णय लिने कुरालाई जोड दिएर बताइन् । आलिया खुसी भए आफूहरुलाई कुनै गुनासो नहुने भन्दै पुजाले आलियाको निकै धेरै प्रशंसा पनि गरिन् । पुजाले आलियाका फिल्मको पनि खुलेर प्रशंसा गरिन् । उनको अभिनय कौशल प्रत्येक दिन राम्रो हुँदै गएको र यसले बलिउडलाई पनि योगदान गरिरहेको पुजाको जोड थियो ।