सेनेगलमा आइतबार पहिलो चरणको राष्ट्रपतिको निर्वाचन भएको छ । निर्वाचन महानिर्देशनालयको तथ्याङ्कअनुसार लगभग ७.३७ मिलियन मतदाता रहेका छन्, जसमा ७ मिलियनभन्दा बढी स्वदेशी र बाँकी विदेशमा रहेको बताइएको छ ।  

सेनेगलको पाँचौं राष्ट्रपति चयन गर्न मतदान भएको हो । सेनेगलका मतदाताले बिहान ८ बजेदेखि बेलुकी ६ बजेसम्म करिब १६ हजार ४ सय ४० मतदान केन्द्रमा मतदान गरेका थिए । 

निर्वाचनका लागि २ हजार ४५७ पर्यवेक्षकलाई मान्यता दिइएको निर्वाचन महानिर्देशनालयले जनाएको छ । सन् २०१२ मा निर्वाचित र २०१९ मा पुनः निर्वाचित भएका निःवर्तमान राष्ट्रपति म्याकी सालको उत्तराधिकारीका लागि १९ जना उम्मेदवारले प्रतिस्पर्धा गरिरहेका छन् ।