आयरल्याण्ड ‘ए’ विरुद्धको टी–२० सिरिजको अन्तिम खेलमा नेपालले पाँचौं विकेट गुमाएको छ । नेपालले पाँचौं विकेटको रूपमा कप्तान रोहितकुमार पौडेललाई गुमाएको हो ।  

उनी १६औँ ओभरको अन्तिम बलमा क्याच आउट भए । रोहितले आज २४ बलमा ५ चौकासहित ३३ रनको इनिङ खेले । नेपालले चौथो विकेटको रूपमा गुलशन झालाई गुमायो ।  

उनी १३.५ ओभरमा बेन ह्वाइटको बलमा क्याच आउट भए । गुलशनले आज ३२ बलमा चार छक्का र एक चौकासहित ४६ रनको पारी खेले । नेपालले तेस्रो विकेटको रूपमा अनिल साहलाई गुमायो ।  

उनी ६.५ ओभरमा फिओन ह्यान्डको बलमा क्याच आउट भए । अनिलले आज ११ बलमा दुई चौकासहित १२ रन मात्र जोड्न सके । नेपालले दोस्रो विकेटको रूपमा कुशल भुर्तेललाई गुमायो । उनी ४.३ ओभरमा म्याथ्यू फोस्टरको बलमा क्याच आउट भए । 

कुशलले आज १६ बलमा दुई चौका र दुई छक्कासहित २५ रनको पारी खेले । नेपालले पहिलो विकेटको रूपमा आसिफ शेखलाई गुमायो । उनी २.५ ओभरमा म्याथ्यू फोस्टरको बलमा ११ रनमा आउट भए । नेपालले आज टस जितेर पहिला ब्याटिङ गरिरहेको हो । 

नेपालले आज प्लेइङ–११ मा दुई खेलाडी परिवर्तन गरेको छ । नेपालले आज दीपेन्द्र सिंह ऐरी र ललितनारायण राजवंशीलाई विश्राम दिएर अनिल साह र विवेकुमार यादवलाई मौका दिएको छ । नेपालले सिरिजमा १–० को अग्रता लिएको छ ।