दक्षिणी लेबनानी गाउँहरूलाई लक्षित गरी इजरायली हवाई आक्रमणमा दुई हिजबुल्लाह लडाकूको मृत्यु भएको छ । यस्तै, आक्रमणमा तीनजना सर्वसाधारण घाइते भएका छन् । 

इजरायली आक्रमणले मेस अल–जबलको दक्षिणपूर्वी गाउँमा दुई तले घरलाई निशाना बनाएको थियो । जसमा एक हिजबुल्लाह लडाकूको मृत्यु भएको हो । 

यसैबीच लेबनानी सशस्त्र समूह हिजबुल्लाहले आफ्ना लडाकूले नवगठित लिमान बटालियनको मुख्यालय, बारानीत ब्यारेक, अल-मलिकियाह, जेब्दीन, रुवाइसात अल–आलम, तलेट अल–तैहात, अल–जर्दह र इजरायली क्षेत्रहरूमा आक्रमण गरेको बताएको छ । 

लेबनान–इजरायल सीमामा ८ अक्टोबर २०२३ देखि तनाव छ । हिजबुल्लाह र इजरायलबीचको भिडन्तमा लेबनानी पक्षमा २४१ हिजबुल्लाह सदस्यहरू र ७३ नागरिकसहित ३६७ व्यक्तिको मृत्यु भएको छ । सिन्ह्वा/न्युज एजेन्सी नेपाल