गोरखा– सभामुख कृष्णबहादुर महराले गोरखा दरबारको पुनः निर्माण छिटो सक्न निर्देशन दिएका छन्। शुक्रबार गोरखा दरबारको निरीक्षण गर्दै सभामुख महराले पुनःनिर्माणको कार्य सुस्त गतिमा भइरहेको प्रति चिन्ता व्यक्त गरे । उनले यो काममा कुनै पनि ढिलासुस्ती नगर्न कर्मचारीहरूलाई निर्देशन पनि दिएका छन् । 

ऐतिहासिक महत्व रहेको गोरखा दरबारको मौलिक संरचना कत्तिपनि नविग्रने गरी पुनःनिर्माण गर्न आग्रह गर्दै गोरखा दरबारको संरक्षण संवर्दन र प्रवर्दनमा सरकार, स्थानीय निकाय र सरोकारवाला सवैको चिन्ता र चासो हुनुपर्ने उनको भनाई छ । 

गोरखा दरबारलाई ऐतिहासिक, पुरातात्विक पर्यटकीय गन्तव्यको रूपमा विकास गर्न सवै लागि पर्नुपर्ने उनले बताए । 

सभामुख महराले महराले गोरखा संग्रहालयको समेत अवलोकन, निरीक्षण गरी  पुरातात्विक महत्वका सम्पदाहरूको संरक्षणमा सबै लागि पर्नुपर्ने बताए।