एजेन्सी– दिल्लीका मुख्यमन्त्री तथा आम आदमी पार्टीका संयोजक अरविन्द केजरीवाललाई शनिबार एक र्यालीमा अज्ञात व्यक्तिले आक्रमण गरेका छन् । ती व्यक्तिले केजरीवालले सम्बोधन गरिरहेको समयमा थप्पड हानेका हुन् ।
पश्चिम दिल्लीको मोतीनगर भन्ने ठाउँमा पार्टीका उम्मेदवारका लागि प्रचारमा हिँडेका केजरीवाललाई थप्पड हानिएको हो । केजरीवाल एउटा जिपमा बसेर त्यति बेला सम्बोधन गरिरहेका थिए । उनलाई थप्पड हान्ने व्यक्ति अटो चालक भएको बताइएको छ ।
आम आदमी पार्टीले यसका लागि भारतीय जनता पार्टीलाई आरोप लगाएको छ । उसले लेखेको छ, ‘यो अरविन्द केजरीवालमाथिको आक्रमण होइन, यो त दिल्लीको जनमतमाथिको आक्रमण हो । दिल्लीका जनताले १२ मेमा यसको जवाफ राम्रोसँग दिनेछन् ।’ १२ मेमा दिल्लीमा लोकसभा निर्वाचन हुँदै छ ।
केजरीवाल सरकारका मन्त्री मनीष सिसोदियाले त भाजपाका नेता नरेन्द्र मोदी र अमित शाहले अब केजरीवालको हत्या गर्न चाहेका हुन् त भन्ने प्रश्न पनि गरेका छन् ।
Its not an attack on @ArvindKejriwal. Its an attack on Delhi and its mandate.
— AAP (@AamAadmiParty) May 4, 2019
The people of Delhi will give a befitting reply to @BJP4India on 12th of May. #BJPScaredOfKejriwal
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
