काठमाडौं– आगामि आर्थिक वर्षका लागि सरकारको नीति तथा कार्यक्रम प्रस्तुत गर्ने क्रममा राष्ट्रपति विद्यादेवी भण्डारीले प्रयोग गरेको ‘मेरो सरकार’ शब्दावलीप्रति नेपाल कम्युनिस्ट पार्टी (नेकपा)कै नेताहरुबीच मतभेद देखिएको छ । नेकपाका नेताहरुले राष्ट्रपति विद्यादेवी भण्डारीले मेरो सरकार प्रयोग गर्न नहुने तर्क राखिरहेका छन् । तर, प्रधानमन्त्री तथा नेकपाका अध्यक्ष केपी शर्मा ओलीले यसको बचाउ गर्दै अन्य देशमा पनि मेरो सरकार राख्ने प्रचलन रहेको बताएका छन् ।
उता, नेकपाका अर्का अध्यक्ष पुष्पकमल दाहाल प्रचण्डले राष्ट्रपतिले प्रस्तुत गरेको नीति तथा कार्यक्रममा मेरो सरकार आफूलाई थाहा नदिइ घुसाइएको अभिव्यक्ति दिएका छन् । शनिबार आयोजना गरिएको नेकपाको संसदीय दलको बैठकमा प्रचण्डले आफूले पढ्दा नीति तथा कार्यक्रममा मेरो सरकार उल्लेख नभएको बताएका हुन् ।
नेकपा नेता रामकुमारी झाँक्रीले पनि यसमा आफूले फरक मत राख्ने बताएकी छिन् । शनिबार अबेर सामाजिक सन्जालहरुमा झाँक्रीले अन्य देशका प्रमुखहरुले मेरो सरकार भन्ने गरेको चलन छ भन्ने कुरामा आफू सहमत हुन नसकेको बताएकी छिन् । उनले नीति तथा कार्यक्रम पास गर्न भोट त गर्ने तर यसमा आफूले फरक मत राखेको बताएकी छिन् ।
Head of the state ले
— Ram kumari Jhakri (@Jhakri_didi) May 4, 2019
“मेरो सरकार” भन्ने चलन संसार भरी छ भन्ने भनाईसंग सहमत हुन सकिएन।आफ्नो फरक मत राख्दै निती तथा कार्यक्रम पास गर्न भोट हाल्नेछु।#नेकपा_दल_बैठक
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।