काठमाडौं– राष्ट्रिय सभाका अध्यक्ष गणेशप्रसाद तिमिल्सिनाले राष्ट्रिय सभामा दर्ता गरिएको मिडिया काउन्सिलसम्बन्धी विधेयक सच्याउन आफूले सक्दो पहल गर्ने प्रतिबद्धता व्यक्त गरेका छन् । उनले संशोधनको क्रममा र संसदीय समितिको छलफलको क्रममा सच्याउने अवसर भएकाले त्यसको सदुपयोग गर्न पनि सम्बन्धित पक्षलाई आग्रह गरे ।
मंगलबार नेपाल प्रेस युनियनका पदाधिकारीसँगको भेटमा उनले सो विधेयकमा देखिएका कमीकमजोरी हटाउन पर्याप्त छलफल गर्ने अवसर भएको बताए । विधेयक संशोधनको सरोकारवाला निकायसँग छलफल गर्ने प्रक्रिया भएकाले सो विधेयक सच्याएर अघि बढाउन पर्याप्त अवसर रहेको अध्यक्ष तिमिल्सिनाले बताए ।
युनियनले सो विधेयक मिडियामाथि ‘कु’ गर्ने नियतका साथ ल्याइएको भन्दै त्यसलाई सच्याउन पहल गरिदिन आग्रह गरेका थिए । ज्ञापनपत्र बुभ्m्दै अध्यक्ष तिमिल्सिनाले आफूले सच्याउन पहल गर्ने प्रतिबद्धता व्यक्त गरेका हुन् ।
पत्रकारलाई कडा दण्ड÷जरिवानाको व्यवस्थासहित राष्ट्रिय सभामा दर्ता गरिएको सो विधेयकको सर्वत्र आलोचना भइरहँदा सोमबार नेपाल पत्रकार महासंघले सोमबार अध्यक्ष तिमिल्सिनाको ध्यानाकर्षण गराएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।