काठमाडौं– अभिनेत्री प्रियंका कार्की ‘कान्स फिल्म फेस्टिभल २०१९’ को रेड कार्पेट समारोहमा सहभागी हुने भएकी छिन् । नेपालको प्रतिनिधित्व गर्दै कान्स फेस्टिभलमा सहभागी हुने उनी पहिलो कलाकार हुन् । 

कान्स फेस्टिभल फ्रान्सको पेरिसमा हुन लागेको हो ।  प्रियंकाले आफ्नो फेसबुकमार्फत आफू कान्स फेस्टिभलमा सहभागी हुन लागेको जानकारी गराएकी छिन् ।

सो फेस्टिभलमा सहभागी हुन पाउँदा आफू निकै उत्साहित भएको उल्लेख गरेकी छिन् । नेपालको प्रतिनिधित्व गरेर कान्स फिल्म फेस्टिभलमा सहभागी हुन पाउनु एकदमै गौरवको कुरा भएको उनले बताएकी छिन् ।  

‘मैले धेरै पहिलेदेखि यो सपना देख्दै आएकी थिएँ,’ उनले स्टाटसमा लेखेकी छन्, ‘कान्समा हिँडेका सेलेब्रेटीहरू देख्दा मलाई सधैँ म पनि एक दिन यहाँसम्म पुग्नेछुु भन्ने लाग्थ्यो । यो दिन आइपुग्यो।’

प्रियंका सोमबारदेखि फेस्टिभलमा सहभागी हुनेछिन् । मे २० देखि २४ सम्ममा उनी चारवटा कार्यक्रममा सहभागी हुनेछिन् ।