विराटनगर– प्रदेश १ सरकारले आगामि आर्थिक वर्षका लागि ४२ अर्ब २० करोडको बजेट ल्याएको छ । प्रदेशका अर्थमन्त्री इन्द्र आङ्बोले आइतबार प्रदेश सभामा यो बजेट पेश गरेका हुन् ।
प्रदेशले चालु खर्चतर्फ १८ अर्ब २० करोड ४ लाख १२ हजार र पुँजीगततर्फ २३ अर्ब ५७ करोड ३९ लाख ३४ हजार विनियोजन गरेको छ । त्यस्तै, अन्तरसरकारी हस्तान्तरणका लागि ९९ करोड ९९ लाख ९८ हजार छुट्ट्याइएको छ ।
आन्तरिक राजश्वबाट ३ अर्ब ८६ करोड उठाउने लक्ष्य प्रदेशले लिएको छ । त्यस्तै, अनुदानबाट २१ अर्ब २१ करोड र यो वर्षको बाँकी बजेटबाट ६ अर्ब ६१ करोड स्रोतका रुपमा लिइएको छ । राजश्व बाँडफाँटबाट १० अर्ब ५२ करोड आउने लक्ष्य पनि प्रदेशले लिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।