काठमाडौं– सर्लाही जिल्ला इन्चार्ज कुमार पौडेलको हत्याको विरोधमा नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी (नेकपा)ले चारदिने आन्दोलनका कार्यक्रम घोषणा गरेको छ । शुक्रबार एक विज्ञप्ति जारी गर्दै नेकपाका महासचिव विप्लवले चारदिने आन्दोलनका कार्यक्रम घोषणा गरेका हुन् ।
विज्ञप्तिमा सरकारले मुठभेडका नाममा देशव्यापी रुपमा आफ्ना निशस्त्र कार्यकर्तामाथिको हत्याशृंखला बढाएको विरोधमा आन्दोलनका कार्यक्रम घोषणा गरिएको जनाइएको छ । असार ५ गते भएको पौडेल हत्याकाण्डको छानविनको माग गर्दै आन्दोलनको कार्यक्रम सार्वजनिक गरिएको छ ।
आन्दोलनका कार्यक्रममा असार ७ गते प्रचार–प्रसार, असार ८ गते कोणसभा तथा घरदैलो, ९ गते मसाल जुलुस र १० गते नेपाल बन्दको कार्यक्रम तय गरिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
