Tue, 16 Jul, 2019


विश्वकप क्रिकेटः आज पाकिस्तान र न्युजिल्यान्डको खेल
फरकधार / असार १०, २०७६

काठमाडौं– जारी एकदिवशीय विश्वकप प्रतियोगितामा आज पाकिस्तान र न्युजिल्यान्ड एकअर्कासँग खेल्दै छन् । एजबेस्टन मैदानमा हुने यो खेल नेपाली समय अनुसार सवा ३ बजे सुरु हुँदैछ । पाकिस्तानले आफ्नो पछिल्लो खेलमा दक्षिण अफ्रिकालाई हराएको छ । उसले न्युजिल्यान्डलाई पनि हराएमा सेमिफाइनलमा जाने सम्भावना जीवितै रहने छ । 
 



अर्कोतर्फ न्युजिल्यान्डले पछिल्लो खेलमा वेस्ट इन्डिजलाई हराएको छ । न्युजिल्यान्डका कप्तान केन विलियम्सनले पाकिस्तानसँग पनि आफ्नो टिमले जित्ने बताएका छन् । 
 

पाकिस्तानले न्युजिल्यान्ड पछि बंगलादेश तथा अफगानिस्तानलाई पनि जितेमा सेमिफाइनलमा आफ्नो स्थान पक्का गर्नेछ । न्युजिल्यान्डसँगको खेलमा पाकिस्तानी टिमले फिल्डिङमा सुधार गर्ने अपेक्षा गरिएको छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्