काठमाडौं– प्रहरीले नेत्रविक्रम चन्द विप्लव माओवादीमा संलग्न भएको आरोप लगाउँदै पक्राउ गरेका कवि रसुवाली कविलाई छोडेको छ । उनीसँगै पक्राउमा परेका कवि तथा पत्रकार संगीत स्रोता भन्ने छुटिसकेका छैनन् । 

‘प्रहरीले मलाई झुक्किएर समातेको हो भने म कुनै कागज गर्दिनँ,’ संगीतलाई उद्धृत गर्दै एक पत्रकारले उनले प्रहरीलाई राखेको कुरा बताए, ‘होइन भने प्रहरीले मलाई किन पक्राउ गरेको हो भन्ने खुलाउनु पर्छ ।’ 

उनलाई प्रहरीले पत्रकार महासंघको रोहबरमा छोड्ने तयारी गरिरहेको छ । 

नेपाल ल क्याम्पसमा एक अनौपचारिक कार्यक्रममा सहभागी भएका यी दुवैलाई कार्यक्रम सकिएलगत्तै पक्राउ गरिएको थियो ।