काठमाडौं– सुन तस्करले विभिन्न नयाँ–नयाँ प्रयोग गर्दै आइरहेका छन् । आइतबार प्रहरीले त्रिभुवन अन्तर्राष्ट्रिय विमानस्थलबाट डाइपरमा लुकाएर ल्याइएको तस्करीको ५ सय ग्राम सुनसहित एकजनालाई पक्राउ गरेको छ ।

काठमाडौं प्रहरी परिसर, टेकु र विमानस्थल सुरक्षा प्रहरी कार्यालयको संयुक्त टोलीले विशेष सुराकीका आधारमा मोरङका लीलाबहादुर बस्नेतलाई सुनसहित पक्राउ गरेको हो । 

वैदेशिक रोजगारीका क्रममा उनी कतारको दोहामा तीन वर्ष बसेर फर्किएका व्यक्ति हुन् । उनले बयानका क्रममा ‘एकजनाले डाइपर लगिदिनू भनेर निश्चित रकम दिने सर्तमा पठाएको’ बताएका छन् । 

कतारबाट फर्किएका उनले डाइपरको बटममा ‘रिङ’ बनाएर सुन ल्याएका थिए । काठमाडौं प्रहरीका अनुसार उनलाई नियन्त्रणमा लिएर अनुसन्धान भइरहेको छ ।