काठमाडौं– महानगरीय प्रहरी प्रभाग भैंसेपाटीको हिरासतबाट तीन जना थुनुवा फरार भएका छन् । उनीहरुले हिरासतमा लागेको ग्रिल उक्काएर भागेको प्रहरीले जनाएको छ । 

गतराति उनीहरु भागेपछि प्रहरीले खोजी कार्य सुरु गरिसकेको छ । 

यी तीनमध्ये एकजना लागूऔषध ओसारपसार मुद्दामा पक्राउ परेका थिए । अन्य दुई चोरीडकैती मुद्दामा समातिएका थिए । 

प्रहरीले उनीहरुको नाम खुलाएको छैन । ललितपुर प्रहरीका अनुसार उनीहरुलाई जावालाखेलमा ठाउँ अभाव भएपछि भैंसेपार्टीमा राखिएको थियो ।