Sun, 17 Nov, 2019


आँप बोकेको भारतीय ट्रकमाथि चितवनमा तोडफोड
फरकधार / असार २६, २०७६

भरतपुर– विषादी हालिएको आँप बोकेर आएको आरोपमा चितवनमा केही युवाहरुले भारतीय ट्रक तोडफोड गरेका छन् । 



भरतपुरको क्षेत्रपुरमा रहेको ताजा तरकारी तथा फलफूल बजारमा आँप बोकेको गाडीमाथि तोडफोड भएको हो । युपी ४१ ए टी २६९१ नम्बरको ट्रकमा भारतबाट ल्याइएको आँप थियो । 

स्कुटरमा ट्रक भएको ठाउँमा पुगेका युवाले पहिले ट्रकका सिसा फुटाएपछि त्यसमा आगो लगाउने पनि प्रयास गरेका थिए ।

व्यापारीहरुले यस्ता घटनाले आफूहरुमाथि असुरक्षा बढेको बताउँदै प्रहरीमा उजुरी दिएका छन् । प्रहरीले ती युवाहरुको खोजी सुरु गरेको छ ।


यो सामाग्री सेयर गर्नुहोस्


यो पनि नछुटाउनुहोस्