काठमाडौं– राष्ट्रिय सभा अध्यक्ष गणेश तिमिल्सिनाले बाढीपहिरो तथा डुबानबाट भएको मानवीय क्षतिप्रति दुःख व्यक्त गर्दै उद्धार तथा राहतमा जुट्न सरकारलगायत सबै सरोकारवालालाई आग्रह गरेका छन् ।
आज प्रेस विज्ञप्ति निकाल्दै अध्यक्ष तिमिल्सिनाले विपद्मा परी ज्यान गुमाउनेहरुप्रति श्रद्धाञ्जली अर्पण गरेका छन् । मृतकका परिवारप्रति समवेदना प्रकट गर्दै उनले घाइतेको स्वास्थ्यलाभको कामना गरेका छन् ।
‘बाढी, पहिरो र डुबानमा परी बेपत्ता हुनुभएकाहरुको तीव्र खोजी, उद्धार र राहतमा जुट्न सरकारलगायत सम्पूर्ण सरोकारवालालाई अनुरोध गर्न चाहन्छु,’ विज्ञप्तिमा तिमिल्सिनाले लेखेका छन् ।
साथै, वर्षायाममा प्राकृतिक विपत्ति जुनसुकै समयमा आउन सक्ने सम्भावनालाई मध्यनजर गर्दै आवश्यक तयारी गर्ने कुरामा सरकारको तर्फबाट कुनै कमी हुन नदिन उनले आग्रह गरेका छन् । अध्यक्ष तिमिल्सिनाले आम नेपालीलाई समेत सावधानीपूर्वक बस्न आग्रह गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।