Tue, 20 Aug, 2019


लोकसेवाको विज्ञापनविरुद्ध प्रदर्शन, प्रश्नपत्र च्यात्ने धम्की
फरकधार / असार ३१, २०७६

काठमाडौं– आरक्षण बचाऔँ आन्दोलनले मंगलबार लोकसेवाको विज्ञापनविरुद्ध काठमाडौंको माइतीघरमा प्रदर्शन गरेको छ । लोकसेवा आयोगले स्थानीय तहका लागि गरेको विज्ञापन आरक्षणविरोधी रहेको भन्दै उनीहरूले प्रदर्शन गरेका हुन् । 



प्रदर्शनमा दलित, जनजाति, मधेसी, महिला, मुस्लिम, अपांगता भएकाहरु सहभागी थिए । यसअघि उनीहरूले सुन्धारा, बानेश्वर र थापाथलीबाट एकैचोटि र्याली सुरु गरेर माइतीघरमा जम्मा भएका थिए । 

लोकसेवाले विज्ञापन सच्याएर समावेशी विज्ञापन जारी नगरेसम्म आफूहरुको आन्दोलन नरोकिने आन्दोलनकारीको भनाइ छ । आफूहरूको मागमा सरकारले अटेरी गरेर परीक्षा सञ्चालन गरे परीक्षा केन्द्रमा प्रदर्शन गर्ने र प्रश्नपत्र च्यात्ने उनीहरुले धम्की दिएका छन् ।


यो सामाग्री सेयर गर्नुहोस्


यो पनि नछुटाउनुहोस्