काठमाडौं– विजयकृष्ण श्रेष्ठको निर्देशनमा म्युजिक भिडियो ‘किन झरे आँसु यति’ सार्वजनिक भएको छ । केही दिनअघि युट्युबमार्फत सार्वजनिक भएको अफिसियल म्युजिक भिडियोमा विनोद ढकाल र कृसला सुनुवारको अभिनय छ । कलाकार विनोद ढकालको यो सातौँ म्युजिक भिडियो हो ।

‘किन झरे आँसु यति’ गीतमा मनी बाँस्तोलाको शब्द, स्वर र संगीत छ । डिएनएस प्रोडक्सनले बजारमा ल्याएका भिडियोको सम्पादन निर्देशक विजयकृष्ण श्रेष्ठले नै गरेका हुन् । भिडियोमा धनी केटी र गरिब केटाबीचको प्रेम सम्बन्ध देखाइएको छ ।