काठमाडौं– बालुवाटारको ललिता निवास जग्गा प्रकरणमा मुछिएका पूर्वनासु युक्तप्रसाद श्रेष्ठले आत्महत्या गरेका छन् । श्रेष्ठले आज माछापोखरीस्थित हिमालय सिटी सपिङ सेन्टरको आठौँ तलाबाट हामफालेर आत्महत्या गरेका हुन् ।

सपिङ सेन्टरको रेलिङमा चढेर उनी हाम फालेपछि स्थानीयले प्रहरीलाई खबर गरेका थिए । काठमाडौं प्रहरी परिसर टेकुका अनुसार, उपचारका लागि पिपुल्स हस्पिटल पुर्याइएका श्रेष्ठलाई चिकित्सकले तत्काल मृत घोषणा गरेका थिए ।

९ दिनअघि मात्र यस्तै एक घटना भएको थियो । त्रिभुवन विश्वविद्यालय सेवा आयोगले कर्मचारी नियुक्तिमा गरेको अनियमितता प्रकरणमा मुछिएका पूर्वसहसचिव रामबहादुर पाण्डेले साउन ३ गते त्रिपुरेश्वरको राधा भवनबाट हामफालेर आत्महत्या गरेका थिए ।