Thu, 19 Sep, 2019


कश्मिरः इमरानले फोन गरे ट्रम्पलाई, २ सय लेखकको भारतमा विरोध
फरकधार / साउन ३२, २०७६

एजेन्सी– पाकिस्तानी प्रधानमन्त्री इमरान खानले कश्मिरको विषयमा अमेरिकी राष्ट्रपति डोनाल्ड ट्रम्पलाई फोनमा कुरा गरेका छन् । 



पाकिस्तानी विदेशमन्त्री शाह महमूद कुरैशीले इमरान खानले संयुक्त राष्ट्र संघको सुरक्षा परिषद् बैठकको विषयमा अमेरिकी राष्ट्रपतिको समर्थन लिएको बताएका छन् । 

खानले ट्रम्पलाई क्षेत्रीय खतरा तथा कश्मिरको ताजा घटनाक्रमबारे बताएको कुरैशीले बताएका छन् । पाकिस्तानले लेखेको एउटा चिठीको आधारमा संयुक्त राष्ट्र संघको सुरक्षा परिषद्मा शुक्रबार अनौपचारिक बैठक भएको थियो ।

यता, भारतमा २ सयभन्दा धेरै लेखक तथा सामाजिक कार्यकर्ताले भारत प्रशासित कश्मिरलाई विशेष राज्यको दर्जाबाट हटाएकोमा सरकारको आलोचना गरेका छन् । उनीहरुले एउटा चिठीमा सरकारले यस्तो गर्दा पहिले कश्मिरका जनताको राय लिनु पर्ने माग गरेका छन् । 

यसरी सरकारको विरोध गर्नेमा अमिताभ घोष, नयनतारा सहगल, अशोक वाजपेयी, अमित चौधरी, सांभाजी भगतलगायत छन् । 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्