काठमाडौं– संस्कृति, पर्यटन तथा नागरिक उडड्यनमन्त्री योगेशकुमार भट्टराईले त्रिभुवन विमानस्थलमा अनुशासन पालना नगर्ने कर्मचारीलाई कारबाही गर्न सम्बन्धित निकायलाई निर्देशन दिएका छन् ।
कार्यालय समयमा निदाउने, फेसबुक चलाएर बस्ने कर्मचारीहरुको तस्बिर आफूले संकलन गरेको उल्लेख गर्दै मन्त्री भट्टराईले उनीहरुमाथि कारबाही गर्न विमानस्थलको नेतृत्वलाई कडा निर्देशन दिएका हुन् ।
कर्मचारीहरुलाई कार्यालय समयमा मोबाइल फोनमा समेत संवाद नगर्न सचेत गराउँदै मन्त्री भट्टराईले अख्तियार दुरुपयोग अनुसन्धान आयोगलगायत निकायको छानबिनमा रहेका सो विमानस्थलका कर्मचारीलाई तत्काल हटाउने चेतावनी पनि दिएका छन् ।
आइतबार काठमाडौंमा आयोजित ‘त्रिभुवन अन्तराष्ट्रिय विमानस्थलका कर्मचारीको सकारात्मक सोच’ विषयक प्रशिक्षण तालिमको उद्घाटन गर्दै उनले कुनै पनि दाग लागेका कर्मचारीलाई विमानस्थलमा नराख्ने प्रस्ट पारेका छन् ।
विमानस्थललाई व्यवस्थित गर्न सिसि क्यामेरा थप्ने योजना रहेको मन्त्री भट्टराईले सुनाए । प्रशिक्षण कार्यक्रमले त्यहाँ कार्यरत कर्मचारीहरुको काम गर्ने शैलीमा पनि सुधार आउने विश्वास व्यक्त गरे ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
