एजेन्सी– भारतीय पूर्वकेन्द्रीय वित्तमन्त्रीसमेत पी चिदम्बरम्लाई आगामी बिहीबारसम्म सिबिआईको हिरासतमा राख्न सुप्रमि कोर्टले अनुमति दिएको छ । कांग्रेस नेतासमेत रहेका चिदम्बरम्लाई २१ अगस्टमा सआिइबीले आइएनएक्स मिडिया मामिलामा पक्राउ गरेको थियो । 

यसअघि चिदम्बरम्का वकिलले उनको उमेर ७४ वर्षको रहेकाले स्वास्थ्य र सुरक्षाका दृष्टिले उनलाई तिहाड जेलमा नपठाउन, बरु घरमै नजरबन्द गर्न आदेश माग गरेका थिए । अहिले चिदम्बरम्लाई सिबिआईको हिरासतमा राखिएको छ । अदालतले उनलाई न्यायिक हिरासतमा पठाउन अनुमति दियो भने उनलाई तिहाड जेलमा पठाइनेछ । 

चिदम्बरम्माथि २००७ मा वित्तमन्त्री रहेका वेला अनियमितता गरी विदेशी लगानीका लागि अनुमति दिएको आरोप लागेको छ ।