इटहरि– जातीय छुवाछुत अन्त्य गरी सुन्दर समाज बनाउन इटहरी उपमहानगर-४ ले आइतबार सहभोज कार्यक्रम आयोजना गरेको छ । कार्यक्रममा उपमहानगरका प्रमुख द्वारिकलाल चौधरीले छुवाछुत सामाजिक कलंक भएकाले यसकाे अन्त्यका लागि सबै एकजुट हुनु पर्ने बताए ।

प्रमुख चाैधरीले छुवाछुत, भेदभाव जस्तो सडेगलेको सोच सुन्दर समाजकाे कलंक भएकाे उल्लेख गरे । 

मनोकामना मन्दिर इटहरीमा आयोजना गरिएको सहभोजमा संविधान सभाकी सभासद अनिता परियार, इटहरी-४ का वडाध्यक्ष चन्द्र भटटराई, दलित अभियानकर्मी डिविशाह शंकर, इटहरी-१७ का वडाध्यक्ष भगवान लाल शाह, नागरिक समाजका इटहरीका अध्यक्ष दिनेश रसाइलीलगायतको उपस्थित थिए ।

नागरिक समाजका इटहरीका अध्यक्ष रसाइलीले इटहरीमा अझै दलित समूदायका व्यक्तिले कोठा नपाएर समस्या परेको वास्तविकता सुनाए ।