Mon, 23 Sep, 2019


सीमामा भिडे भारतीय–चिनियाँ सेना
फरकधार / भदौ २६, २०७६

एजेन्सी– भारत र चीनको सीमामा भारतीय र चिनियाँ सेनाबीच लडाइँ सुरु भएको छ । लद्दाखको यो समाचारलाई आज प्रकाशित भारतीय पत्रिका टाइम्स अफ इन्डियाले निकै प्राथमिकता दिएर प्रकाशन गरेको छ । 



पत्रिकामा छापिएको समाचारअनुसार बुधबार पूर्वी लद्दाखमा भारत तथा चीनका सेना भिडेका थिए । उनीहरुबीच लामो समयसम्म संघर्ष भएको पत्रिकाले लेखेको छ । 

यो घटना १३४ किलोमिटर लामो पैंगोङ्ग झीलको उत्तरी किनरामा भएको थियो । यसको दुई तिहाई हिस्सा चीनको नियन्त्रणमा छ । 

पत्रिकामा छापिएको रिपोर्टअनुसार भारतीय सैनिक गस्ती गरिरहेको समयमा चिनियाँ सेना भेट भएका थिए । त्यसपछि चिनियाँ सेनाले त्यहाँ भारतीय सेनाको उपस्थितिको आलोचना गरेका थिए । त्यसपछि त्यहाँ दुई देशका सेनाहरुबीच धक्कामुक्की भयो । 

दुवै देशले त्यो क्षेत्रमा अहिले सैनिकको संख्या बढाएका छन् । भारत र चीनका ब्रिगेडियर स्तरीय वार्ताको पनि तयारी रहेको जनाइएको छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्