काठमाडौं– भोजपुर जिल्लामा नेत्रविक्रम चन्द विप्लव समूह र प्रहरीबीच गोली हानाहान हुँदा ज्यान गुमाएका प्रहरी जवान सञ्जीव राईलाई सरकारले सहिद घोषणा गरेको छ ।
सरकार प्रवक्ता एवं सञ्चार तथा सूचना प्रविधि मन्त्री गोकुल बाँस्कोटाले बिहीबार नियमित आयोजित पत्रकार सम्मेलनमार्फत् मन्त्रिपरिषद् बैठकका निर्णयबारे जानकारी दिँदै सो जानकारी गराएका हुन् ।
सरकारले सञ्जीव राईलाई सहिद घोषणाका साथै उनको परिवारलाई १० लाख रुपैयाँ दिने निर्णय गरेको छ ।
भोजपुर जिल्लाको भोजपुर बजारमा गत असार २५ गते विप्लव नेतृत्वको नेकपा कार्यकर्ता र प्रहरीबीच गोली हानाहान हुँदा प्रहरी जवान राईको मृत्यु भएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
