एजेन्सी— बलिउडका चर्चित निर्माता तथा निर्देशक महेश भट्ट ७१ वर्षका भए । २० सेप्टेम्बर १९४८ मा जन्मिएका भट्टको जन्मदिनमा उनकी कान्छी छोरी आलिया भट्टले आफूले बाल्यकालमा बाबुको अत्यन्त कम समय पाएको गुनासो गरेकी छिन् । तर, सँगसँगै त्यति बेला बाबुको व्यस्ततालाई अहिले आफूले बुझेको पनि उनले बताएकी छिन् । 

‘मेरो बाल्यकाल धेरैजसो आमासँग बित्यो, मैले पापाको समय नै पाइनँ, उहाँ धेरै व्यस्त हुनुहुन्थ्योे,’ आलियाले भनेकी छिन्, ‘अहिले बल्ल आएर म बुझ्दै छु कि बाबुको त्यति बेला खास काम के रहेछ भन्ने ।’

उनले बाबु महेश भट्टले कहिल्यै पनि इच्छा भएको कुनै कुरा गर्न आफूलाई नरोकेको पनि बताएकी छिन् । अहिले आफूहरु दुई जनाले अलग किसिमको मित्रता निर्वाह गरिरहेको पनि उनले बताएकी छिन् ।