काठमाडौं– त्रिकोणात्मक सिरिजमा सिंगापुरविरुद्ध खेलिरहेको नेपालका लागि कप्तान पारस खड्काले शतक प्रहार गरेका छन् । यो उनको टी–२० मा पहिलो शतक पनि हो ।
खड्काले ४९ बलमा शतक प्रहार गरेका हुन् । खड्काको बिस्फोटक ब्याटिङसँगै नेपालले याे खेल जितेकाे छ ।
पारसले नेपालका लागि १०६ रनकाे याेगदान दिए । उनले ५२ बलमा अविजित याे याेगफल तयार पारेका हुन् । पारस नै खेलकाे प्लेयर अफ द म्याच घाेषित भए ।
१५ औं ओभरको अन्तिम बलमा सिंगापुरका कप्तान टिम डेभिडको बलमा छक्का हान्दै पारसले शतक पुर्याएका हुन् । शतकका लागि पारसले ९ छक्का र ७ चौका प्रहार गरेका हुन् । टस जितेर पहिले ब्याटिङ रोजेको सिंगापुरले तीन विकेटको क्षतिमा १ सय ५१ रन बनाएको थियो ।
पहिलो इनिङमा नेपालका लागि दुई विकेट करण केसीले लिएका थिए भने एक विकेट सुशन भारीले लिएका थिए ।
नेपालले याे खेलमा ९ विकेटकाे सानदार जित निकालेकाे हाे । यसका लागि यही सिरिजबाट डेब्यू गरेका इशान पाण्डेले ६ रन र आरिफ सेखले अविजित ३९ रन बनाए । आरिफले ३८ बलमा पाँच चौका प्रहार गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।