Thu, 17 Oct, 2019


टोटनह्यामको पोस्टमा बायर्नका सात गोल, सर्जले गरे ह्याट्रिक
फरकधार / असोज १५, २०७६

एजेन्सी– च्याम्पियन्स लिग फुटबलमा टोटनह्याम जर्मन क्लब बायर्न मुनिखसँग नमीठोसँग पराजित भएको छ । बायर्नले टोटनह्यामको पोस्टमा सात गोल गरेको हो । जवाफमा टोटनह्यामले २ गोलमात्र गर्न सक्यो ।



खेलमा बायर्नका सर्ज गनाब्रीले ह्याट्रिकसमेत गरे ।

खेलमा पहिलो गोल चाहिँ टोटनह्यामले गरेको थियो । टोटनह्यामका सन हुएङ मिनले १२ मिनेटमा पहिलो गोल गरेका थिए । तर, यो गोललाई किम्मिचले १५ औं मिनेटमा नै फर्काइदिए । खेलमा दोस्रो गोल लेवान्डोव्स्कीले ४५ औं मिनेटमा गरे । उनैले ८७ औं मिनेटमा पनि अर्को गोल गरेका थिए ।

टोटनह्यामका लागि ६१ औं मिनेटमा केनले गोल गरे । तर, त्यति बेलासम्म बायर्नले ४ गोल गरिसकेको थियो । गनाब्रीले बायर्नका लागि ५३, ५५। ८३ र ८८ औं मिनेटमा गोल गरे ।


यो सामाग्री सेयर गर्नुहोस्


यो पनि नछुटाउनुहोस्