काठमाडौं– राष्ट्रपति विद्यादेवी भण्डारीले चिनियाँ राष्ट्रपति सी चिनपिङको ऐतिहासिक भ्रमण सफल पार्न सहयोग गर्ने सम्बद्ध सबैमा धन्यवाद व्यक्त गरेकी छिन् ।
राष्ट्रपति भण्डारीले बुधबार म्यान्माको औपचारिक भ्रमणमा निस्कनुअघि ट्विट गर्दै धन्यवाद व्यक्त गरेकी हुन् । राष्ट्रपति सीको राजकीय भ्रमण सफल बनाएकामा राष्ट्रपति भण्डारीले नेपाली दाजुभाइ तथा दिदीबहिनी, सुरक्षा अंग, आमसञ्चार र सम्बद्ध सबैलाई धन्यवाद व्यक्त गरेकी छिन् ।
उक्त भ्रमणबाट जनतामा देखिएको खुसी र उत्साह साकार पार्न आफ्नो अनवरत प्रयास हुने उनले उल्लेख गरेकी छिन् । राष्ट्रपति भण्डारीको मैत्रीपूर्ण निमन्त्रणामा चिनियाँ राष्ट्रपति सीले यही असोज २५ र २६ गते नेपालको राजकीय भ्रमण गरेका थिए ।
चीनका महामहिम राष्ट्रपति सी चिनफिङलाई न्यानो स्वागत गर्दै ऐतिहासिक भ्रमण सफल पार्न सहयोग गर्ने नेपाली दाजुभाई तथा दिदीबहिनी, सुरक्षा अङ्ग, आमसंचार र सम्बद्ध सबैलाई हार्दिक धन्यवाद ! महामहिमको यस भ्रमणबाट जनतामा देखिएको खुशी र उत्साह साकार पार्न मेरो अनवरत प्रयास हुनेछ ।
— Bidya Devi Bhandari President of Nepal (@PresidentofNP) October 16, 2019
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
