एजेन्सी– भारतीय टिभी सोमा सबैभन्दा लोकप्रिय मध्ये एक हो, इन्डियन आइडल । ११ औं सिजनमा चलिरहेको यो टिभी सोको पहिलो सिजन सन् २००४ मा आएको थियो । यसपटक यो कार्यक्रममा नेहा कक्कड, विशाल ददलानी र अनुमालिकलाई निर्णायकमा राखिएको छ ।

अनि अहिले कार्यक्रम चलाइरहेका छन्, आदित्य नारायण । अहिले सोको अडिसन चलिरहेको छ । यहीबीच यो सोको एउटा भिडियो सामाजिक सन्जालमा निकै भाइरल भएको छ । त्यसमा एक प्रतिस्पर्धीले नेहालाई अँगालो मात्र मार्दैनन्, गालामा किस पनि गरिदिन्छन् । ती प्रतिस्पर्धीको यस्तो हर्कत देखेर त्यहाँका सबैजना अचम्ममा पर्छन् । यो भिडियो सोनी टिभीले आफ्नो आधिकारिक युट्युब च्यानलमा सेयर पनि गरेको छ ।