काठमाडौं– ज्यान मार्ने उद्योगमा वारेन्ट जारी भएका सत्तारुढ दलका सांसद पार्वत गुरुङलाई अदालतले साधारण तारेखमा रिहा गर्न आदेश दिएको छ । उनीविरुद्ध पक्राउ पूर्जी जारी केही दिनअघि भएको थियो । उनी आइतबार जिल्ला अदालत, काठमाडौंमा हाजिर भएका थिए ।
अदालतका स्रेस्तेदार आनन्द श्रेष्ठले फरक धारलाई बताएअनुसार थुनछेक बहसपछि उनलाई साधारण तारेखमा छाड्ने आदेश दिइएको हो ।
सांसद गुरुङले यसअघि पनि यसलाई राजनीतिक मुद्दा भएको बताउँदै आएका थिए । उनीमाथि दोलखाका वीरध्वज खड्काले आफ्नो ज्यान मार्ने उद्देश्यले आक्रमण गरेको आरोप लगाएका थिए । खड्कालाई २०७४ सालको स्थानीय चुनावपछि गौशालामा आक्रमण भएको थियो ।
गुरुङले प्रतिनिधिसभामा दोलाखाबाट निर्वाचन जितेका हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।