काठमाडौं– ज्यान मार्ने उद्योगमा वारेन्ट जारी भएका सत्तारुढ दलका सांसद पार्वत गुरुङलाई अदालतले साधारण तारेखमा रिहा गर्न आदेश दिएको छ । उनीविरुद्ध पक्राउ पूर्जी जारी केही दिनअघि भएको थियो । उनी आइतबार जिल्ला अदालत, काठमाडौंमा हाजिर भएका थिए ।

अदालतका स्रेस्तेदार आनन्द श्रेष्ठले फरक धारलाई बताएअनुसार थुनछेक बहसपछि उनलाई साधारण तारेखमा छाड्ने आदेश दिइएको हो । 

सांसद गुरुङले यसअघि पनि यसलाई राजनीतिक मुद्दा भएको बताउँदै आएका थिए । उनीमाथि दोलखाका वीरध्वज खड्काले आफ्नो ज्यान मार्ने उद्देश्यले आक्रमण गरेको आरोप लगाएका थिए । खड्कालाई २०७४ सालको स्थानीय चुनावपछि गौशालामा आक्रमण भएको थियो । 

गुरुङले प्रतिनिधिसभामा दोलाखाबाट निर्वाचन जितेका हुन् ।