एजेन्सी– भारतीय कमेडियन कपिल शर्माको कार्यक्रम कपिल शर्मा सोमा यसपटक अभिनेता सलमान खानको विवाहको विषयमा चर्चा भएको छ । 

त्यो कार्यक्रममा हाउसफुल ४ फिल्मको टिम पुगेको थियो । पूरै फिल्ममा काम गरेका अभिनेता तथा अभिनेत्रीसहित पुगेका थिए, निर्माता साजिद नाडियाडवाला पनि । उनीसँग कपिलले खुलेर कुरा गरेका छन् । 

त्यही क्रममा उनले सलमानको विवाहको प्रसंग निकालेका हुन् । कपिलले साजिदलाई सोधेका थिए, ‘सलमान र तपाईंले विवाह नगर्ने कसम सँगै खानु भएको थियो । तर, अब तपाईंले त विवाह गर्नु भयो नि ?’

यो प्रश्नको जवाफमा साजिदले भनेका छन्, ‘मेरो विवाहको ५ दिन पहिले सलमानले मलाई विवाह गर्ने मुड नै नभएको बताएका थिए । त्यसपछि मेरो विवाहमा पनि आएका उनले मलाई कानमा भनेका थिए– मेरो गाडी पछाडि छ, यहाँबाट निस्कनु, भागौँ ।’

साजिदले यसो भनेपछि सबै कार्यक्रममा हाँसे । तर, योसँगै भारतमा सलमानको विवाहको विषयमा फेरि एकपटक बहस पो सुरु भएको छ ।