Sat, 23 Nov, 2019


गिरफ्तारीमा परे करोडपति चोर
फरकधार / कात्तिक ३, २०७६

एजेन्सी– भारतमा प्रहरीले एक अन्तर्राज्यीय गिरोहका करोडपति चोरलाई गिरफ्तार गरेको छ । यसरी गिरफ्तारीमा पर्ने चोर राकेशका नाममा चिनिएका थिए । प्रहरीले उनीसँग सुरु गरेको सोधपुछमा ती चोरले जे बताए, त्यसले प्रहरी पनि अचम्ममा परेको थियो । 



प्रहरीको सोधपुछमा राकेशले उनी विमानमा पन्जाब, हरियाणा, गुजरात तथा महाराष्ट्र गएर चोरी गर्ने गरेको बताएका छन् । उनले लखनउमा भएका पछिल्ला २० चोरीको पनि जिम्मेवारी आफैंले लिएका छन् ।

उनले आफूले चोरीसकेपछि गहनाहरु सक्कली र नक्कली भएको थाहा पाउन रगड्ने गरेको बताएका छन् । ती चोरले अहिलेसम्म चोरेर नै करोडौं कमाइसकेको पनि बताएका छन् । उनले विभिन्न राज्यमा चोरी गर्न आफ्नो गिरोह भएको पनि बताएका छन् । उनले दिएको जानकारीअनुसार प्रहरीले अरु चोर पनि पक्राउ गरेको छ । यो गिरोहको मास्टरमाइन्ड राकेश भएको र उनी करोडपति भएको प्रहरीले पत्ता लगाएको छ । 


यो सामाग्री सेयर गर्नुहोस्


यो पनि नछुटाउनुहोस्