काठमाडौं– पूर्वप्रधानमन्त्री एवं प्रमुख प्रतिपक्षी दल नेपाली कांग्रेसका सभापति शेरबहादुर देउवा उपचाररत प्रधानमन्त्री केपी शर्मा ओलीको स्वास्थ्य अवस्था बुझ्न बुधबार दिउँसो शिक्षण अस्पताल पुगेका छन् ।
मंगलबार एपेन्डिसाइटको अप्रेसन गराएका प्रधानमन्त्री ओली शिक्षण अस्पतास्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा छन् । उनको स्वास्थ्यमा सुधार आइरहेको उपचारमा संलग्न चिकित्सकले बताएका छन् ।
देउवाले प्रधानमन्त्रीलाई भेट्न चाहेको भए पनि चिकित्सकले कसैलाई पनि नभेट्न सल्लाह दिएकाले देउवाले प्रधानमन्त्री ओलीका प्रमुख सल्लाहकारसहितको टोलीलाई भेट गरी प्रधानमन्त्रीको शीघ्र स्वास्थ्य लाभको कामना गरेका थिए । साथै उनले उपचारमा संलग्न चिकित्सकबाट प्रधानमन्त्रीको स्वास्थ्य अवस्थाबारे बुझेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।